Вести, забава, спорт...

Автобуска несреќа ја потресе Македонија – над 30 повредени, сите ученици

Триесетина ученици од основното училиште „Гоце Делчев“ од Демир Хисар се повредени во сообраќајна несреќа што се случи меѓу комбе и автобус изутринава околу 07:30 часот на патот Демир Хисар – Кичево.

Како што известуваат од МВР, сообраќајната незгода се случила помеѓу комбе со битолски регистарски ознаки, управувано од С.С. (56) од Крушево и автобус, исто така со битолски регистарски ознаки, управуван од З.С. (49) од с.Единаковци, Демир Хисар, а во кој се превезувале околу 30 ученици од ОУ „Гоце Делчев“ од Демир Хисар.

При несреќата со тешки телесни повреди се здобил возачот на комбето, а учениците се здобиле со полесни повреди. На учениците што биле повредени во несреќата им била укажана лекарска помош во Клинички центар Битола.

Сообраќајот не бил во прекин и извршен е увид на местото на настанот.