Фатен разбојник кој ограбил аптека во Скопје

Секторот за внатрешни работи до надлежното Основно јавно обвинителство во Скопје поднесе кривична пријава против 39-годишниот скопјанец М.Ч. поради разбојништво во аптека во Скопје, од каде одзел околу 25.000 денари.

Според полицијата, кражбата се случила на 26-ти март околу 18,55 часот, во аптека лоцирана на булеварот „Кочо Рацин“. Разбојникот влегол во објектот и со закана со нож кон вработената и ги побарал парите. Таа се спротиставила, меѓутоа М.Ч. ја истуркал од работниот пулт, ја отворил фиоката каде што стоеле парите од дневниот промет и ги одзел парите. Потоа трчајќи излегол од аптеката во правец кон автобуската постојка наспроти Градска општа болница Св.Наум Охридски, каде што се качил во такси возило.

По преземени мерки и активности од страна на полициски службеници тој е приведено во полициска станица, каде е извршен разговор во кој пријавениот во целост го признал и опишал начинот на извршување на кривичното дело, информираат од МВР.