Дете настрада во сообраќајка во Ѓорче, жителите се собираат на протест

Десет годишно дете вечерва беше прегазено во скопската населба Ѓорче Петров.

Од МВР за „Макфакс“ соопштија дека сообраќајната несреќа се случила на улицата „Борис Сарафов“, спроти основното училиште „Мирче Ацев“. Детето било пренесено на Ургентниот центар, но засега не е познато во каква состојба се наоѓа.

Полицијата потврди и дека во моментов група граѓани се собираат пред училиштето, во знак на протест.

Пред помалку од еден месец друго десетгодишно дете беше прегазено на истата улица.

Екипа на „Макфакс“ се упати на местото на настанот. Наскоро, повеќе детали.

Во тренд…