Демонстрантите со неочекуван потег: Сите се упатија пред вилата на Иванов, му ја пеат “Излези момче”

Демонстрантите од пред Собранието вечерва се упатија пред Вила Водно, во знак на поддршка за претседателот Ѓорге Иванов.

Интонирајќи ја македонската химна, а потоа пеејќи ја навивачката „Излези момче“ и скандирајќи „Иванов“ и „Македонија“, демонстрантите ја поддржаа одлуката на Иванов кој се спротивстави на договорот со Грција и побараа прием кај него.

Сепак, претседателот вечерва не бил во резиденцијата, а од неговиот кабинет најавија дека во текот на утрешниот ден ќе ги прими претставниците на средба.

Претхоно, демонстрантите од пред Собранието порачаа дека е страшно да се менува државното име и никој не смее да се прашува за тоа. Тие истакнаа дека меѓународната заедница требала да ја прифати земјата под уставното име и го повторија својот став дека договорот е против сите правила.