Најголем пад на цената на нафтата во последниве две години

Цената на нафтата доживеа најголем пад во последниве две години откако Либија соопшти дека ќе ги зголеми испораките, додека инвеститорите стравуваат дека трговските тензии ќе ја намалат побарувачката на овој енергенс.

Цената за барел брент нафта падна за 6,9 отсто и изнесува 73,4 долари, а барел сирова нафта во САД поевтини за 5 проценти и сега чини 70,38 долари.

Поевтинувањето следи после повеќемесечниот раст на цената до ниво кое беше највисоко во последниве неколку години.

Цената на овој енергенс стана нестабилна откако САД пред неколку недели најавија дека повторно ќе воведат санкции за Иран.