Теса Ворли ја освои титулата во велеслалом

Французинката Теса Ворли го освои златниот медал во трката во велеслалом на Светското првенство во Сент Мориц. За Ворли ова е втор златен медал на Мундијалот, откако претходно обеди со Франција во тимскиот натпревар.

 


Теса Ворли со вкупно време 2:05.55 минути го освои златниот медал во велеслалом. Таа веќе има два златни медали во Сент Мориц, а во кариерата ова е четвртиот златен медал, откако во 2011 година во Гармишг победи во тимскиот натпревар, а во 2013 година во Шладминг стана светска првенка во велеслалом.

Ворли доминираше во велеслаломската трка, беше најбрза по првата трка, а во втората со сигирну возење не дозволи некој да и го одземе најсјаното одличје.



Ворли, која води во Светскиот куп во оваа дисциплина, до првото место стигна пред најголемите ривалки, Американката Михаела Шифрин, од која беше побрза за 34 стотинки и Италијанската Софија Гоџи, која ја надмина за 74 стотинки./извор:Макфакс

спонзориран линк:
Loading...