Дамјановиќ ќе го напушти ЖРК Вардар

Српската репрезентативка Сања Дамјановиќ по завршувањето на сезоната ќе си замине од редовите на ЖРК Вардар.

 

Сања Дамјановиќ пред две години дојде во ЖРК Вардар од дански Виборг како една од најдобрите ракометарки во светот на левата бековска позиција. Таа беше дел од тимот кој две години играше на завршниот тирнир во Лигата на шампионите и го освојуваше третото место.

Сепак, Дамјановиќ, во ЖРК Вардар не се снајде најдобро, во ниту еден момент не ја пронајде вистинската форма, поради што реши да замине.

„По завршувањето на сезоната ќе го сменам клубот. Нема да останам во Вардар, а каде ќе ја продолжам кариерата се уште не знам. Важно е дека добивам понуди. Наскоро ќе решам каде ќе играм наредната сезона“, изјавила Дамјановиќ за „Спортски журнал“.

Дамјановиќ во кариерата има настапувано во Раднички Белград, Наиса Ниш, Крим, Зајечар, Подравка и Виборг. Ги освоено шампионските титули во првенствата на Србија, Словенија, Хрватска, Данска и Македонија, а со Виборг во 2014 година победи во Купот на победниците на Куповите. Со српската репрезентација има сребро од Мундијалот во 2013 година./извор:Макфакс

спонзориран линк:
Loading...