Европскиот парламент бара преиспитување на односите на ЕУ кон Турција

Европскиот парламент синоќа со еврокомесарот за проширување и соседска политика, Јоханес Хан, го разгледуваше прашањето за Турција и преговорите за проширување на Европската Унија.


Европратениците посочија дека Европа не ги затвора вратите за Турција, но последните промени поттикнуваат кон барање други можности за пристапување на Турција кон ЕУ, соопшти прес-службата на Европскиот парламент.

Претседателот на Европскиот парламент, Антонио Тајани, ја повика Турција да ги почитува основните права врз кои е изградена Европа.
Тајани нагласи дека „Европа не е исламофобски континент и не ги затвора вратите за турскиот народ“.

Многумина европратеници изразија загриженост за начинот на кој Турција го организираше референдумот за уставни промени и го карактеризираа гласањето како нефер.
Некои од европратениците наведоа дека е време за преиспитување на односите меѓу ЕУ и Турција и отворање „ново поглевје“.

Некои пратеници од ЕП целосно ја отфрлија можноста за Турција да стане полноправен член на Унијата, додека други изразија надеж дека преразгледувањето на преговорите за присоединување ќе остави можност Турција да го промени сегашниот политички курс.

Проширена царинска унија, зголемена трговија, размена на студенти и соработка во областа на безбедноста и миграцијата беа некои од идеите предложени од европратениците како правец во односите меѓу ЕУ и Турција.

Дел од пратениците од ЕП настојуваа да продолжи поддршката за демократските сили во Турција бидејќи милиони граѓани од земјата сакаат да бидат дел од ЕУ.
Парламентарната комисија за надворешни работи ќе ја разгледа годишната резолуција за напредокот на Турција на 2 мај.

Предлог-резолуцијата ја повикува Унијата да ги поддржи преговорите за пристапување на Анкара, ако промените во уставните промени во Турција бидат приложени така, како што беа наведени во референдумот.(Макфакс)

Руски брод потона во Црното море откако се судри со товарен брод

Најмалку 15 руски војници се водат за исчезнати откако руски воен брод се судри со товарен брод во водите на Црното море, објавија турските медиуми. Според информациите, 45 војници се спасени по инцидентот, а на местото на несреќата се упатени спасувачки чамци и хеликоптери.

Повеќе: Руски брод потона во Црното море откако се судри со товарен брод

Путин на Турција ѝ го продава моќниот систем С-400

НАТО членката Турција блиску е до комплетирање на договор со Русија за купување на моќниот ПВО систем „С-400 Триумф“, а конечниот договор би можел да биде склучен на 3 мај.

Повеќе: Путин на Турција ѝ го продава моќниот систем С-400

Германски војник сакаше да изврши напад преправен во мигрант

Германски војник кој се преправал дека е бегалец од Сирија е уапсен под сомнение дека планирал напад мотивиран од расизам.

Повеќе: Германски војник сакаше да изврши напад преправен во мигрант

Северна Кореја прв пат прифати да прими експерт на ОН

Северна Кореја прв пат се согласи да прими експерт на ОН за човекови права, објавија од Обединетите Нации. Каталин Девандас-Агилар ќе допатува во Пјонгјанг во среда. Тоа ќе биде прва посета на експерт за човекови права на ОН на земјата.

Повеќе: Северна Кореја прв пат прифати да прими експерт на ОН

Србија со протестна нота до Франција: Одлуката за Харадинај е срамна и политичка

Премиерот на Србија и избран претседател на Србија, Александар Вучиќ, денеска изјави дека одлуката на Франција е срамна, скандалозна, неправедна и пред сè политичка. Затоа денеска Србија ќе упати протестна нота до Франција, а нашиот амбасадор во Париз ќе биде повикан на консултации во Белград.

Повеќе: Србија со протестна нота до Франција: Одлуката за Харадинај е срамна и политичка

Британците жалат што гласале за Брегзит

Поголемиот број Британци жали, по прв пат, поради резултатаите на референдумот од 23 јуни 2016 во корист на излегувањето од ЕУ, според анкетата објавена во Тајмс. Одговарајќи на прашањето – Мислите ли дека Велика Британија беше во право кога гласаше за излегување од ЕУ, 45 отсто испитаници жалат поради гласањето, 43% го одобрува, а 12 % се неодлучни, се вели во анкетата спроведена во вторникот и во средата на 1590 испитаници.

Повеќе: Британците жалат што гласале за Брегзит

Страница 10 од 709